Ден соолугуӊуз чыӊ экенин кантип билсе болот: өзүн жөнөкөй текшерүүлөр

№1. Тепкичтер аркылуу демикпей жогору чыгуу

Текшерүү. Тепкичтер менен бешинчи кабатка эч токтолбой жана катуу демикпей чыгып көрүӊүз.

Бул эмнени көрсөтөт. Бул тест сиздин жүрөк-кан тамыр тутумуӊуздун ишин жана жалпы чыдамкайлыкты баалайт. Эгерде сиз бул тапшырманы эч кыйналбай аткара алсаӊыз, анда сиздин жүрөгүӊүз жана өпкөлөрүӊүз жакшы иштеп жатат.

Изилдөө. European Heart Journal (2020) басылмасына жарыяланган изилдөөдө, тепкичтер менен ылдам өөдө чыгуу жөндөмү жүрөк-кан тамыр ооруларынын коркунучунун төмөндүгүн көрсөтөрү аныкталган.

№2. Отургучтан бир буту менен өөдө туруу

Текшерүү. Отургучка отургула жана кол менен жардам бербей бир бут менен өөдө туруп көргүлө.

Бул эмнени көрсөтөт. Бул тест буттун булчуӊдарынын күчүн жана теӊ салмактуулукту текшерет. Жакшы булчуӊ күчү жана теӊ салмактуулук өзгөчө улуу куракта жыгылуунун жана жаракат алуунун алдын алат.

Изилдөө. British Journal of Sports Medicine (2022) басылмасына жарыяланган изилдөөгө ылайык, 10 секунд аралыгында бир буттап туруу жөндөмү ден соолуктун жалпы абалына жана орто жана улгайган курактагы адамдар арасындагы өлүм коркунучунун төмөндүгүнө байланыштуу.

№3. Ийкемдүүлүккө карата тест – буттун манжаларына чейин чоюлуу

Текшерүү. Полго бутту түз сунуп отургула жана колдун учу менен буттун манжаларына чейин чоюлууга аракет кылгыла.

Бул эмнени көрсөтөт. Бул тест арка булчуӊдарынын жана сандын арткы бөлүгүнүн ийкемдүүлүгүн баалайт. Ийкемдүүлүк жаракат алуунун алдын алуу жана муундардын кыймылдуулугун колдоо үчүн маанилүү.

Изилдөө. American Journal of Physiology (2009) басылмасында тулку бойдун ийкемдүүлүгү орто курактагы чоӊ адамдардын артериясынын катуулугун төмөндөтүүгө байланыштуу экени көрсөтүлгөн.

№4. Кол алышуунун күчүнө тест

Текшерүү. Динамометрди кысуу же жөн гана досуӊуздун колун бекем кысуу менен кол алышуу күчүӊүздү баалаӊыз.

Бул эмнени көрсөтөт. Кол алышуунун күчү жалпы булчуӊ күчүнүн көрсөткүчү жана жүрөк-кан тамыр ооруларынын тобокелдиги жөнүндө дагы айтып турат.

Изилдөө. The Lancet (2015) басылмасына жарыяланган изилдөө, кол алышуу күчүнүн азайышы жогорку өлүм коркунучунуна байланыштуу экенин жана артериялык кан басымына караганда алда канча тагыраак предиктор болушу мүмкүндүгүн көрсөткөн.

№5. «Отур жана тур» тести

Текшерүү. Буттарды учкаштырып колдун жардамы жок полго отургула, андан соӊ колго же тизелерге таянбай кайра тургула.

Бул эмнени көрсөтөт. Бул тест күчтү, ийкемдүүлүктү жана теӊ салмактуулукту баалайт. Бул тапшырманы аткарууда сиз таянычтарды канчалык аз колдонсоӊуз физикалык абалыӊыз ошончолук жакшы.

Изилдөө. European Journal of Preventive Cardiology (2012) баылмасында ушул тест боюнча жогорку упай топтогон адамдар алдыдагы жылдарда өлүм коркунучунан алыс болору аныкталган.

Ушул жөнөкөй тесттер сизге өзүӊүздүн физикалык абалыӊыз жөнүндө жалпы маалымат алууга жардам берет. Бирок алар толук кандуу медициналык изилдөөнү алмаштырбайт. Эгерде сизде ушул көнүгүүлөрдү аткарууда кыйынчылыктар келип чыкса же ден соолук боюнча тынчсыздануу бар болсо, анда кесипкөй кеӊеш алуу үчүн дарыгерге кайрыӊыз.

Өзүӊөрдү сактагыла жана ден соолукта болгула!